[PTS Page 401] [\q 401/]
[BJT Vol Vbh 2] [\z Vibh /] [\w II /]
[BJT Page 276] [\x 276/]

Abhidhammapiṭake
Vibhaṅgappakaraṇaṃ

Namo tassa bhagavato arahato sammāsambuddhassa.

Dutiyo bhāgo

18. Dhammahadaya vibhaṅgo.

1.

1020. Kati khandhā: kati āyatanāni: kati dhātuye: kati saccāni: kati indriyāni: kati hetu: katiāhārā: kati phassā: kati vedanā: kati saññā: kati cetanā: kati cittāni:

1021. Pañcakkhandhā, dvādasāyatanāni, aṭṭhārasadhātuyo, cattāri saccāni, bāvīsatindriyāni, nava hetu, cattāro āhārā, satta phassā, satta vedanā, satta saññā, satta cetanā, satta cittāni.

1022. Tattha katame pañcakkhandhā: rupakkhandho vedanākkhandho saññākkhandho saṅkhārakkhandho viññāṇakkhandho. Ime vuccanti pañcakkhandhā.

1023. Tattha katamāni dvādasāyatanāni: cakkhāyatanaṃ rūpāyatanaṃ sotāyatanaṃ saddāyatanaṃ ghānāyatanaṃ gandhāyatanaṃ jivhāyatanaṃ rasāyatanaṃ kāyāyatanaṃ phoṭṭhabbāyatanaṃ manāyatanaṃ dhammāyatanaṃ. Imāni vuccanti dvādasāyatanāni.

1024. Tattha katamā aṭṭhārasadhātuyo: cakkhudhātu rūpadhātu cakkhuviññāṇadhātu, sotadhātu saddadhātu sotaviññāṇadhātu, [PTS Page 402] [\q 402/] ghānadhātu gandhadhātu ghānaviññāṇadhātu, jivhādhātu rasadhātu jivhāviññāṇadhātu, kāyadhātu phoṭṭhabbadhātu kāyaviññāṇadhātu, manodhātu dhammadhātu manoviññāṇadhātu. Imā vuccanti aṭṭhārasadhātuyo.

1025. Tattha katamāni cattāri saccāni: dukkhasaccaṃ samudayasaccaṃ nirodhasaccaṃ maggasaccaṃ. Imāni vuccanti cattāri saccāni.

1026. Tattha katamāni bāvīsatindriyāni: cakkhu ndriyaṃ sotindriyaṃ ghānindriyaṃ jivhindriyaṃ kāyindriyaṃ manindriyaṃ itthindriyaṃ purisindriyaṃ jīvitandriyaṃ sukhindriyaṃ dukkhindriyaṃ somanassi ndriyaṃ upekkhindriyaṃ saddhindriyaṃ viriyindriyaṃ satindriyaṃ samādhindriyaṃ paññindriyaṃ anaññātaññassāmītindriyaṃ aññindriyaṃ aññātāvindriyaṃ. Imāni vuccanti bāvīsatindriyāni.

1027. Tattha katame nava hetu: tayo kusalahetu, tayo akusalahetu, tayo avayākatahetu. Tattha katame tayo kusalahetu: alobho kusalahetu, adoso kusalahetu, amoho kusalahetu, ime tayo kusalahetu. Tattha katame tayo akusalahetu, lobho akusalahetu, doso akusalahetu, moho akusalahetu, ime tayo akusalahetu. Tattha katame tayo avyākatahetu: kusalānaṃ vā dhammānaṃ vipākato kiriyavyākatesu vā dhammesu alobho adoso amoho, ime tayo avyākatahetu. Ime vuccanti nava hetu.

[BJT Page 278] [\x 278/]

1028. Tattha katame cattāro āhārā: kabaḷiṅkāro āhāro phassāhāro [PTS Page 403] [\q 403/] manosañcetanāhāro viññāṇāhāro. Ime vucacnni cattāro āhārā.

1029. Tattha katame satta phassā: cakkhusampasso tesasamphasso ghānasamphasso jivhāsamphassā kāyasamphasso manodhātusamphasso manoviññāṇadhātusampasso. Ime vuccanti satta sampassā.

1030. Tattha katamā satta vedanā: cakkhu samphassajā vedanā sota samphassajā vedanā ghānasamphassajā vedanā jivhāsamphassajā vedanā kāyasamphassajā vedanā manodhātusamphassajā vedanā manoviññāṇadhātusamphassajā vedanā imā vuccanti satta vedanā.

1031. Tattha katamā satta saññā: cakkhu samphassajā saññā sotasamphassajā saññā ghānasamphassajā saññā jivhāsamphassajā saññā kāyasamphassajā saññā manodhātusamphassajā saññā manoviññāṇadhātusamphassajā saññā. Imā vuccanti saññasaññā.

1032. Tattha katamā satta cetanā: cakkhu samphassajā cetanā sotasamphassajā cetanā ghānasamphassajā cetanā jivhāsamphassajā cetanā kāyasamphassajā cetanā manodhātusamphassajā cetanā manoviññāṇadhātusamphassajā cetanā. Imā vuccanti satta cetanā.

1033. Tattha katamāni sattacittāni: cakkhuviññāṇaṃ sotaviññāṇaṃ ghānaviññāṇaṃ [PTS Page 404] [\q 404/] jivhāviññāṇaṃ kāyaviññāṇaṃ manodhātu manoviññāṇadhātu. Imāni vuccanti satta cittāni.

2.

1034. Kāmadhātuyā kati khandhā: kati āyatanāni: kati dhātuyo: kati saccāni: kati indriyāni: kati hetu: kati āhārā: kati phassā: kati vedanā: kati sañññā: kati cetanā: kati cittāni:

Kāmadhātuyā pañcakkhandhā, dvādasāyatanāni, aṭṭhārasadhātuyo, tīṇi saccāni, bāvīsatindriyāni, nava hetu, cattāro āhārā, satta phassā, satta vedanā, satta saññā, satta cetanā, satta cittāni.

Tattha katame kāmadhātuyā pañcakkhandhā, rūpa kkhandho vedanākkhandho saññākkhandho saṅkhārakkhandho viññāṇakkhandho. Ime vuccanti kāmadhātuyā pañcakkhandhā.

Tattha katamāni kāmadhātuyā dvādasāyatanāni: cakkhāyatanaṃ rūpāyatanaṃ sotāyatanaṃ saddayatanaṃ ghānāyatanaṃ gandhāyatanaṃ jivhāyatanaṃ rasāyatanaṃ kāyāyatanaṃ phoṭṭhabbāyatanaṃ manāyatanaṃ dhammāyatanaṃ. Imāni vuccanti kāmadhātuyā dvādasāyatanāni. Ccanti kāmadhātuyā dvādasāyatanāni.

Tattha katamā kāmadhātuyā aṭṭhārasadhātuyo: cakkhudhātu rūpadhātu cakkhu viññāṇadhātu, sotadhātu saddadhātu sotaviññāṇadhātu, ghānadhātu gavdhadhātu ghānaviññāṇadhātu, jivhādhāturasadhātu jivhāviññāṇadhātu, kāyadhātu phoṭṭhabbadhātu kāyaviññāṇadhātu, manodhātu dhammadhātu manoviññāṇadhātu. Imā vuccanti kāmadhātuyā aṭṭhārasa dhātuyo.

[BJT Page 280] [\x 280/]

Tattha katamāni kāmadhātuyā tīṇi saccāni: dukkhasaccaṃ samudayasaccaṃ maggasaccaṃ. Imāni vuccanti kāmadhātuyā tīṇi saccāni.

Tattha katamāni kāmadhātuyā bāvīsatindriyāni: cakkhu ndriyaṃ sotindriyaṃ -pe- aññātāvindriyaṃ imāni vuccanti kāmadhātuyā bāvīsatindriyāni.

Tattha katame kāmadhātuyā nava hetu: tayo kusalahetu, tayo akusalahetu, tayo avayākatahetu. Ime vuccanti kāmadhātuyā nava hetu. [PTS Page 405] [\q 405/]

Tattha katame kāmadhātuyā cattāro āhārā: kabaḷiṅkāro āhāro phassāhāro manosañcetanāhāro viññāṇāhāro. Ime vuccanti kāmadhātuyā cattāro āhārā.

Tattha katame kāmadhātuyā satta phassā: cakkhusamphassā sotasamphassā ghānasamphassā jivhāsamphassā kāyasamphassā manodhātusamphassā manoviññāṇadhātusamphassā. Ime vuccanti kāmadhātuyā satta phassā.

Tattha katamā kāmadhātuyā satta vedāna: cakkhu samphassajā vedanā sotasamphassajā vedanā ghānasamphassajā vedanā jivhāsamphassajā vedanā kāyasamphassajā vedanā manodhātusamphassajā vedanā manoviññāṇadhātusamphassajā vedanā. Imā vuccanti kāmadhātuyā satta vedanā.

Tattha katamā kāmadhātuyā satta saññā: cakkhu samphassajā saññā sotasamphassajā saññā ghānasamphassajā saññā jivhāsamphassajā saññā kāyasamphassajā saññā manodhātusamphassajā saññā manoviññāṇadhātusamphassajā saññā. Imā vuccanti kāmadhātuyā satta saññā.

Tattha katamā kāmadhātuyā satta cetanā: cakkhusamphassajā cetanā sotasamphassajā cetanā ghānasamphassajā cetanā jivhāsamphassajā cetanā kāyasamphassajā cetanā manodhātusamphassajā cetanā manoviññāṇadhātusamphassajā cetanā. Imā vuccanti kāmadhātuyā satta cetanā.

Tattha katamāni kāmadhātuyā satta cittāni: cakkhuviññāṇaṃ sotaviññāṇaṃ ghānaviññāṇaṃ jivhāviññāṇaṃ kāyaviññāṇaṃ manodhātu manoviññāṇadhātu. Imāni vuccanti kāmadhātuyāsatta cittāni.

1035. Rūpadhātuya kati khandhā: kati āyatanā: kati dhātuyo: kati saccāni: kati indriyā -pe- kati cittāni:

Rūpadhātuyā pañcakkhandhā, cha āyatanāni, nava dhātuyo, tīni saccāni, cuddasindriyāni, aṭṭha hetu, tayo āhārā, cattāro phassā, catasso vedanā, catasso saññā, catasso cetanā, cattāri cittāni.

Tattha katame rūpadhātuyā pañcakkhandhā rūpakkhandho vedanākkhandho saññākkhandho saṅkhārakkhandho viññāṇakkhandho. Ime vuccanti rūpadhātuya pañcakkhandhā.

[BJT Page 282] [\x 282/]

Tattha katamāni rūpadhātuya cha āyatanāni: cakkhāyataṃ rūpāyatanaṃ sotāyatanaṃ saddāyatanaṃ mānāyatanaṃ dhammāyatanaṃ. Imāni vuccanti rūpadhātuyā cha āyatanāni.

Tattha katamā rūpadhātuyā nava dhātuyo: cakkhudhātu rūpadhātu cakkhuviññāṇadhātu, sotadhātu saddadhātu sotaviññāṇadhātu. Manodhātu dhammadhātu manoviññāṇadhātu. Imāni vuccanti rūpadhātuyā nava dhātuyo.

Tattha katamāni rūpadhātuyā tīṇi saccāni: dukkhasaccaṃ samudayasaccaṃ maggasaccaṃ. Imāni vucacnti rūpadhātuyā tīṇi saccāni.

Tattha katamāni rūpadhātuyā cuddasindriyāni: cakkhundriyaṃ sotindriyaṃ manindriyaṃ jīvitindriyaṃ [PTS Page 406] [\q 406/] somanassindriyaṃ upekkhindriyaṃ saddhindriyaṃ viriyindriyaṃ satindriyaṃ samādhindriyaṃ paññindriyaṃ anaññātaññassāmītindriyaṃ aññindriyaṃ aññātāvindriyaṃ. Imāni vuccanti rūpadhātuyā cuddasindriyāni.

Tattha katame rūpadhātuya aṭṭha hetu: tayo kusalahetu, dve akusalahetu, tayo avayākatahetu. Tattha katame tayo kusalahetu: alobho kusalahetu, adoso kusalahetu, amoho kusalahetu. Ime tayo kusalahetu.

Tattha katame dve akusalahotu: lobho akusalahetu moho akusalahetu. Ime dve akusalahetu.

Tattha katame tayo avayākata hetu: kusalānaṃ vā dhammānaṃ vipākato kiriyāvayākatesuvā dhammesu alobho adoso amoho ime tayo avyākata hetu. Ime vuccanti rūpadhātuyā aṭṭha hetu.

Tattha katame rūpadhātuyā tayo āhārā: phassāhāro manosañcetanāhāro viñññāṇāhāro. Ime vuccanti rūpadhātuyā tayo āhārā.

Tattha katame rūpadhātuyā cattāro phassā: cakkhasamphasso sotasamphasso manodhātusamphasso manoviññāṇadhātusamphasso. Ime vuccanti rūpadhātuyā cattāro phassā.

Tattha katamā rūpadhātuyā catasso vedanā-pe- catasso saññā -pe- catasso cetanā -pe- cattārī cittāni: cakkhuviññāṇaṃ sotaviññāṇaṃ manodhātu manoviññāṇadhātu. Imāni vuccanti rūpadhātuyā cattāri cittāni.

1036. Arūpadhātuyā kati khandhā: -pe- kati cittāni:

Arūpadhātuyā cattāro khandhā, dve āyatanāni, dve dhātuyo, tīṇi saccāni, ekādasindriyāni, aṭṭha hetu, tayo āhārā, eko phasso, ekā vedanā, ekā saññā, ekā cetanā, ekaṃ cittaṃ. [PTS Page 407] [\q 407/]

Tattha katame arūpadhātuyā cattāro khandhā: vedanākkhandho saññākkhandho saṅkhārakkhandho viññāṇakkhandho. Ime vuccanti arūpadhātuyā cattāro khandhā.

Tattha katamāni arūpadhātuyā dve āyatanāni: manāyatanaṃ dhammāyatanaṃ. Imāni vuccanti arūpadhātuyā dve āyatanāni.

[BJT Page 284] [\x 284/]

Tattha katamā arūpadhātuyā dve dhātuyo: manoviññāṇadhātu dhammadhātu. Imā vuccanati arūpadhātuyā dve dhātuyo. Tattha katāmāni arūpadhātuyā tīṇi saccāni: dukkha saccaṃsamudaya saccaṃ maggasaccaṃ. Imānivuccanti arūpadhātuyā tīṇi saccāni.

Tattha katamāni arūpadhātuyā ekāsindriyāni: manindriyaṃ jīvitindriyaṃ somanassindriyaṃ upekkhindriyaṃ saddhindriyaṃ viriyindriyaṃ satindriyaṃ samādhindriyaṃ paññindriyaṃ aññindriyaṃ aññātāvindriyaṃ. Imāni vuccanti arūpadhātuyā ekādasindriyāni.

Tattha katame arūpadhātuyā aṭṭhahetu: tayo kusalahetu dve akusalahetu tayo avyākatahetu. Ime vuccanti arūpadhātuyā aṭṭhahetu.

Tattha katame arūpadhātuyā tayo āhārā: phassāhāro mano sañcetanāhāro viññāṇāhāro. Ime vuccanti arūpadhātuyā tayo āhārā.

Tattha katamo arūpadhātuyā eko phasso: manoviññāṇadhātu samphasso. Ayaṃ vuccatiarūpadhātuyo eko phasso.

Tattha katamā arūpadhātuyā ekā vedanā-pe- ekā saññā -pe ekā cetanā -peekaṃ cittaṃ: manoviññāṇadhātu. Idaṃ vuccati arūpadhātuyā ekaṃ cittaṃ.

1037. Apariyāpanne kati khandhā: -pe- kati cittāni: apariyāpanne cattāro khandhā, dve āyatanāni: dve dhātuyo, dve saccāni, dvādasindriyāni, cha hetu, tayo āhārā, [PTS Page 408] [\q 408/] eko phasso, ekā vedanā, ekā saññā, ekā cetanā, ekaṃ cittaṃ.

Tattha katame apariyāpanne cattāro khandhā: vedanākkhandho, saññākkhandho, saṅkhārakkhandho, viññāṇakkhandho. Ime vuccanti apariyāpanne cattāro khandhā.

Tattha katamāni apariyāpanne dve āyatanāni: manāyatanaṃ dhammāyatanaṃ. Imāni vuccanti apariyāpanne dve āyatanāni

Tattha katamā apariyāpanne dve dhātuyo: manoviñññāṇadhātu dhammadhātu. Imā vuccanti apariyāpanne dve saccāni.

Tattha katamāni apariyāpanne dve saccāni: maggasaccaṃ nirodhasaccaṃ. Imāni vuccanti apariyāpanne dve saccāni.

Tattha katamāni apariyāpanne dvādasindriyāni: mani ndriyaṃ jīvitindriyaṃ somanassindriyaṃ apakkhindriyeṃ saddhindriyaṃ viriyindriyaṃ satindriyaṃ samādhindriyaṃ paññindriyaṃ anaññātaññassāmītindriyaṃ aññindriyaṃ aññātāvindriyaṃ. Imāni vuccanti apariyāpanne dvādasindriyāni.

Tattha katame apariyāpanne cha hetu: tayo kusalahetu, tayo avayākatahetu.

Tattha katame tayo kusalahetu: alobhe kusalahetu, adoso kusalahetu, amoho kusalahetu. Ime tayo kusalahetu.

[BJT Page 286] [\x 286/]

Tatattha katame tayo avyākatahetu: kusalānaṃ dhammānaṃ vipākato alobho adoso amoho. Ime tayo avyākatahetu. Ime vuccanti apariyāpanne cha hetu.

Tattha katame apariyāpanne tayo āhārā: phassāhāro, mano sañcetanāhāro, viññāṇāhāro. Ime vuccanti apariyāpanne tayo āhārā,

Tattha katamo apariyāpanne eko phasso: manoviññāṇadhātu samphasso. Ayaṃ vuccatiapariyāpanne eko phasso.

Tattha katamā apariyāpanne ekā vedanā-pe- ekā saññā -pe ekā cetanā-peekaṃ cittaṃ: [PTS Page 409] [\q 409/] manoviññāṇadātu. Idaṃ vuccati apariyāpanne ekaṃ cittaṃ.

3.

1038. Pañcannaṃ khandhānaṃ kati kāmadhātu pariyāpannā: kati na kāmadhātupariyāpannā: -pe- sattannaṃ cittānaṃ kati kāmadhātu pariyāpannā: kati na kāmadhātupariyāpannā:

Rūpakkhandho kāmadhātupariyāpanno. Cattāro khandhā siyā kāmadhātupariyāpannā, siyā na kāmadhātupariyāpannā.

Dasāyatanā kāmadhātupariyāpannā. Dve āyatanā siyā kāmadhātu pariyāpannā, siyā na kāmadhātupariyāpannā.

Soḷasa dhātuyo kāmadhātu pariyāpannā. Dve dhātuyo siyā kāmadhātupariyāpannā, siyā na kāmadhātupariyāpannā.

Samudayasaccaṃ kāmadhātupariyāpannaṃ. Dve saccā na kāmadhātu pariyāpannā. Dukkhasaccaṃ siyā kāmadhātupariyāpannaṃ, siyā na kāmadhātu pariyāpannaṃ.

Dasindriyā kāmadhātupariyāpannā. Tīṇindriyā na kāmadhātupariyāpannā. Navindriyā siyā kāmadhātupariyāpannā. Siyā na kāmadhātupariyāpannā.

Tayo akusalahetu kāmadhātupariyāpannā. Cha hetu siyā kāmadhātu pariyāpannā, siyā na kāmadhātupariyāpannā.

Kabaḷiṅkāro āhāro kāmadhātupariyāpanno. Tayo āhārā siyā kāmadhātupariyapannā, siyā na kāmadhātupariyāpannā.

Cha phassā kāmadhātupariyāpannā. Manoviññāṇadhātusamphasso siyā kāmadhātupariyāpanno, siyā na kāmadhātupariyāpanno.

Cha vedanā -pe- cha saññā -pe- cha cetanā -pe- cha cittā kāmadhātupariyāpannā. Manoviññāṇadhātu siyā kāmadhātupariyāpannā, siyā na kāmadhātupariyāpannā.

1039. Pañcannaṃ khandhānaṃ kati rūpadhātupariyāpannā: kati na rūpadhātupariyāpannā -pesattannaṃ cittānaṃ kati rūpadhātupariyāpannā: kati na rūpadhātupariyāpannā:

[BJT Page 288] [\x 288/]

Rūpakkhandho na rūpadhātupariyāpanno. Cattāro [PTS Page 410] [\q 410/] khandhā siyā rūpadhātupariyāpannā, siyā na rūpadhātupariyāpannā.

Dasāyatanā na rūpadhātupariyāpannā. Dve āyatanā siyā rūpadhātu pariyāpannā, siyā na rūpadhātupariyāpannā.

Soḷasa dhātuyo na rūpadhātupariyāpannā, dve dhātuyo siyā rūpadhātupariyāpannā, siyā na rūpadhātupariyāpannā.

Tīṇi saccāni na rūpadhātupariyāpannā, dukkhasaccaṃ siyā rūpadhātupariyāpannaṃ, siyā na rūpadhātupariyāpannaṃ,

Terasindriyā na rūpadhātupariyāpannā, navīndriyā siyā rūpadhātupariyāpannā, siyā na rūpadhātupariyāpannā.

Tayo akusalahetu na rūpadhātupariyāpannā, cha hetu siyā rūpadhātupariyāpannā, siyā narūpadhātupariyāpannā.

Kabaḷiṅkāro āhāro na rūpadhātupariyāpanno. Tayo āhārā siyā rūpadhātupariyāpannā, siyā na rūpadhātupariyāpannā.

Cha phassā na rūpadhātupariyāpannā. Manoviññāṇadhātusamphasso siyā rūpadhātupariyāpanno, siyā na rūpadhātupariyāpanno.

Cha vedāna-pe- cha saññā -pe- cha cetanā-pe- cha cittā na rūpadhātupariyāpannā. Manoviññāṇadhātu siyā rūpadhātupariyāpannā. Siyā na rūpadhātupariyāpannā.

1040. Pañcannaṃ khandhānaṃ kati arūpadhātupariyāpannā: kati na arūpadhātupariyāpannā: -pe- sattannaṃ cittānaṃ kati arūpadhātupariyāpannā: kati na arūpadhātupariyāpannā:

Rūpakkhandho na arūpadhātupariyāpanno. Cattāro dhavdhā siyā arūpadhātupariyāpannā, siyā na arūpadhātupariyāpannā.

Dasāyatanā na arūpadhātupariyāpannā. Dve āyatanā siyā arūpadhātu pariyāpannā, siyā na arūpadhātupariyāpannā.

Soḷasa dhātuyo na arūpadhātupariyāpannā. Dve dhātuyo siyā arūpadhātupariyāpannā, siyā na arūpadhātupariyāpannā.

Tīṇi saccāni na arūpadhātupariyāpannā. Dukkhasaccaṃ siyā arūpadhātu pariyāpannaṃ, siyā na arūpadhātupariyāpannaṃ.

Cuddasindriyā na arūpadhātupariyāpannā. Aṭṭhivdriyā [PTS Page 411] [\q 411/] siyā arūpadhātupariyāpannā, siyā naarūpadhātupariyāpannā.

Tayo akusalahetu na arūpadhātupariyāpannā. Cha hetu siyā arūpadhātupariyāpannā, siyāna arūpadhātupariyāpannā.

Kabaḷiṅkāro āhāro na arūpadātupariyāpanno. Tayo āhārā siyā arūpadhātupariyāpannā, siyā na arūpadhātupariyāpannā.

Cha phassā na arūpadhātupariyāpannā. Manoviññāṇadhātusamphasso siyā arūpadhātupariyāpanno, siyā na arūpadhātupariyāpanno.

Cha vedanā -pe- cha saññā -pe- cha cetanā -pe- cha cittā na arūpadhātupariyāpannā. Manoviññāṇadhātu siyā arūpadhātupariyāpannā, siyā na arūpadhātupariyāpannā.

[BJT Page 290] [\x 290/]

1041. Pañcannaṃ khandhānaṃ kati pariyāpannā: kati apariyāpannā -pe- sattannaṃ cittānaṃ kati pariyāpannā: kati apariyāpannā:

Rūpakkhandhā pariyāpanno. Cattāro khandhā siyāpariyāpannā, siyā apariyāpannā.

Dasāyatanā pariyāpannā. Dve āyatanā siyā pariyāpannā, siyā apariyāpannā.

Soḷasa dhātuyo pariyāpannā, dve dhātuyo siyā pariyāpannā, siyā apariyāpannā.

Dve saccā pariyāpannā. Dve saccā apariyāpannā.

Dasindriyā pariyāpannā. Tīṇindriyā apariyāpannā. Navīndriyā siyā pariyāpannā, siyā apariyāpannā.

Tayo akusalahetu pariyāpannā. Cha hetu siyā pariyāpannā, siyā apariyāpannā.

Kabaḷiṅkāro āhāro pariyāpanno. Tayo āhārā siyā pariyāpannā, siyā apariyāpannā.

Cha phassā pariyāpannā, manoviñññāṇadhātusamphasso siyā pariyāpanno, siyā apariyāpanno.

Chavedāna-pe-cha saññā -pe- cha cetanā -pe- cha cittā pariyāpannā. Manoviññāṇadhātu siyā pariyāpannā, siyā apariyāpannā.

4.

1042. Kāmadhātuyā uppattikkhaṇe katikhandhā pātubhavanti -pekati cittāni pātubhavanti:

Kāmadhātuyā uppattikkhaṇe sabbesaṃ pañcakkhandhā pātubhavanti.

Kassaci ekādasāyatanāni pātubhavanti. [PTS Page 412] [\q 412/] kassaci dasāyatanāni pātubhavanti. Kassaci aparāni dasāyatanāni pātubhavanti. Kassaci navāyatanāni pātubhavanti. Kassaci sattāyatanāni pātubhavanti.

Kassaci ekādasa dhātuyo pātubhavanti. Kassaci dasa dhātuyo pātubhavanti. Kassaci aparā dasa dhātuyo pātubhavanti. Kassaci nava dhātuyo pātubhavanti. Kassaci satta dhātuyo pātubhavanti.

Sabbesaṃ ekaṃ saccaṃ pātubhavati.

Kassaci cuddasindriyāni pātubhavanti. Kassaci terasindriyāni pātubhavanti. Kassaci aparāni terasindriyā pātubhavanti. Kassaci dvādasindriyāni pātubhavanti. Kassaci dasindriyāni pātubhavanti. Kassaci navindriyāni pātubhavanti. Kassaci aparāni navindriyāni pātubhavanti. Kassaci aṭṭhindriyāni pātubhavanti. Kassaci aparāni aṭṭhindriyāni pātubhavanti. Kassaci sattindriyāni pātubhavanti. Kassaci pañcindriyāni pātubhavanti. Kassaci cattārindriyāni pātubhavanti.

Kassaci tayo hetu pātubhavanti. Kassaci dve hetu pātubhavanti. Keci1 ahetukā pātubhavanti.

Sabbesaṃ cattāro āhārā pātubhavanti. Sabbesaṃ eko phasso pātubhavanti.

Sabbesaṃ ekā vedanā, ekā saññā, ekā cetanā, ekaṃ cittaṃ pātubhavati.

1. Kassaci- sīmu. Machasaṃ.

[BJT Page 292] [\x 292/]

1643. Kāmadhātuyā uppattikkhaṇe sabbesaṃ katame pañcakkhandhā pātubhavanti: rūpakkhandho -pe- viññāṇakkhandho. Kāmadhātuyā uppattikkhaṇe sabbesaṃ ime pañcakkhandhā pātubhavanti.

1044. Kāmadhātuyā uppattikkhaṇe kassa1 ekādasāyatanāni pātubhavanti: kāmāvacarānaṃdevānaṃ, paṭhamakappikānaṃ manussānaṃ, opapākitānaṃ petānaṃ, opapātikānaṃ asurānaṃ, opapātikānaṃ tiracchānagatānaṃ, nerayikānaṃ paripunṇāyatanānaṃ, uppattikkhaṇe ekādasāyatanāni pātubhavanti: cakkhāyatanaṃ rūpāyatanaṃ sotāyatanaṃ ghānāyatanaṃ gandhāyatanaṃ jivhāyatanaṃ rasāyatanaṃ kāyāyatanaṃ phoṭṭhabbāyatanaṃ manāyatanaṃ dhammāyatanaṃ, kāmadhātuyā uppattikkhaṇe etesaṃ imāni ekādasāyatanāni pātubhavanti.

Kāmadhātuyā uppattikkhaṇe kassa dasāyatanāni pātubhavanti: opapātikānaṃ petānaṃ opapātikānaṃ asurānaṃ opapātikānaṃ tiracchānagatānaṃ nerayikānaṃ jaccandhānaṃ uppattikkhaṇe dasāyatanāni pātubhavanti: rūpāyatanaṃ sotāyatanaṃ ghānāyatanaṃ gandhāyatanaṃ jivhāyatanaṃ [PTS Page 413] [\q 413/] rasāyatanaṃ kāyāyatanaṃ phoṭṭhabbāyatanaṃ manāyatanaṃ dhammāyatanaṃ, kāmadhātuyā uppattikkhaṇe etesaṃ imāni dasāyatanāni pātubhavanti.

Kāmadhātuyā uppattikkhaṇe kassa aparāni dasāyatanāni pātubhavanti: opapātikānaṃ petānaṃ opapātikānaṃ asurānaṃ opapātikānaṃ tiracchānagatānaṃ nerayikānaṃ jaccabadhirānaṃ, uppattikkhaṇe dasāyatanāni pātubhavanti: cakkhāyatanaṃ rūpāyatanaṃ ghānāyatanaṃ gavdhāyatanaṃ jivhāyatanaṃ rasāyatanaṃ kāyāyatanaṃ phoṭṭhabbā yatanaṃ manāyatanaṃ dhammāyatanaṃ. Kāmadhātuyā uppattikkhaṇe etesaṃ imāni dasāyatanāni pātubhavanti.

Kāmadhātuyā uppattikkhaṇe kassa navāyatanāni pātubhavanti: opapātikānaṃ petānaṃ, opapātikānaṃ asurānaṃ, opapātikānaṃ tiracchānagatānaṃ, nerayikānaṃ, jaccabadhirānaṃ, uppattikkhaṇe navāyatanāni pātubhavanti: rūpāyatanaṃ ghānāyatanaṃ gavdhāyatanaṃ jivhāyatanaṃ rasāyatanaṃ kāyāyatanaṃ phoṭṭhabbāyatanaṃ manāyatanaṃ dhammāyatanaṃ. Kāmadhātuyā uppattikkhaṇe etesaṃ imāni navāyatanāni pātubhavanti.

Kāmadhātuyā uppattikkhaṇe kassa sattāyatanāni pātubhavanti: gabbhaseyyakānaṃ sattānaṃ uppattikkhaṇe sattāyatanāni pātubhavanti: rūpāyatanaṃ gandhāyatanaṃ rasāyatanaṃ kāyāyatanaṃ phoṭṭhabbāyatanaṃ manāyatanaṃ dhammāyatanaṃ. Kāmadhātuyā uppattikkhaṇe etesaṃ imāni sattāyatanāni pātubhavanti.

1045. Kāmadhātuyā uppattikkhaṇe kassa ekādasa dhātuyo pātubhavanti: kāmāvacarānaṃ devānaṃ paṭhamakappikānaṃ manussānaṃ, opapātikānaṃ petānaṃ, opapātikānaṃ asurānaṃ, opapātikānaṃ tiracchānagatānaṃ, nerayikānaṃ paripuṇṇāyatanānaṃ, uppattikkhaṇeekādasa dātuyo pātubhavanti: cakkhudhātu rūpadhātu sotadhātu ghānadhātu gavdhadhātu jivhādhātu rasadhātu kāyadhātu phoṭṭhabbadhātu manoviññāṇadhātu dhammadhātu. Kāmadhātuyā uppattikkhaṇe etesaṃ imā ekādasadhātuyo pātubhavanti.

1. Kassaci -sirimu.

[BJT Page 294] [\x 294/]

Kāmadhātuyā uppattikkhaṇe kassa dasa dhātuyo pātubhavanti: opapātikānaṃ petānaṃ, opapātikānaṃ asurānaṃ, opapātikānaṃ [PTS Page 414] [\q 414/] tiracchānagatānaṃ, nerayikānaṃ, jaccandhānaṃ uppattikkhane dasa dhātuyo pātubhavanti: rūpadhātu sotadhātu ghānadhātu gandhadhātu jivhādhātu rasadhātu kāyadhātu phoṭṭhabbadhātu manoviññāṇadhātu dhammadhātu. Kāmadhātuyā uppattikkhaṇe etesaṃ imā dasa dhātuyo pātubhavanti.

Kāmadhātuyā uppattikkhaṇe kassa aparā dasa dhātuyo pātubhavanti: opapātikānaṃ petānaṃ, opapātikānaṃ asurānaṃ, opapātikānaṃ tiracchānagatānaṃ, nerayikānaṃ, jaccabadhirānaṃ uppattikkhane dasa dhātuyo pātubhavanti: cakkhudhātu rūpadhātu ghānadhātu gandhadhātu jivhādhātu rasadhātu kāyadhātu phoṭṭhabbadhātu manoviññāṇadhātu dhammadhātu. Kāmadhātuyā uppattikkhaṇe etesaṃ imā dasa dhātuyo pātubhavanti.

Kāmadhātuyā uppattikkhaṇe kassa nava dhātuyo pātubhavanti: opapātikānaṃ petānaṃ, opapātikānaṃ asurānaṃ, opapātikānaṃ tiracchānagatānaṃ, nerayikānaṃ, jaccandhabadhirānaṃ uppattikkhane nava dhātuyo pātubhavanti: rūpadhātu ghānadhātu gandhadhātu jivhādhātu rasadhātu kāyadhātu phoṭṭhabbadhātu manoviññāṇadhātu dhammadhātu. Kāmadhātuyā uppattikkhaṇe etesaṃ imā dasa dhātuyo pātubhavanti. Nti. .

Kāmadhātuyā uppattikkhaṇe kassa satta dhātuyo pātubhavanti: gabbhaseyyakānaṃ sattānaṃ uppattikkhaṇe satta dhātuyo pātu bhavanti: rūpadhātu gandhadhātu rasadhātu kāyadhātu phoṭṭhabbadhātu mano viññāṇadhātu dhammadhātu. Kāmadhātuyā uppattikkhaṇe etesaṃ imā satta dhātuyo pātubhavanti.

1046. Kāmadhātuyā uppattikkhaṇe sabbesaṃ katamaṃ ekaṃ saccaṃ pātubhavati: dukkhasaccaṃ. Kāmadhātuyā uppattikkhaṇe sabbesaṃ idaṃ ekaṃ saccaṃ pātubhavati.

1047. Kāmadhātuyā uppattikkhaṇe kassa cuddasindriyāni pātubhavanti: kāmāvacarānaṃ devānaṃ sahetukānaṃ ñāṇasampayuttānaṃ upapattikkhaṇe cuddasindriyāni pātubhavanti: cakkhundriyaṃ sotindriyaṃ ghānindriyaṃ jivhindriyaṃ kāyindriyaṃ [PTS Page 415] [\q 415/] manindriyaṃ itthindriyaṃ vā purisindriyaṃ vā jīvitindriyaṃ somanassindriyaṃ vā upekkhindriyaṃ vā saddhindriyaṃ viriyindriyaṃ satindriyaṃ samādhindriyaṃ paññindriyaṃ kāmadhātuyā uppattikkhaṇe etesaṃ imāni cuddasindriyāni pātubhavanti.

Kāmadhātuyā uppattikkhaṇe kassa terasindriyāni pātubhavanti: kāmāvacarānaṃ devānaṃ sahetukānaṃ ñāṇavippayuttānaṃ uppattikkhaṇe caterasindriyāni pātubhavanti: cakkhundriyaṃ sotindriyaṃ ghānindriyaṃ jivhindriyaṃ kāyindriyaṃ manindriyaṃ itthindriyaṃ vā purisindriyaṃ vā jīvitindriyaṃ somanassindriyaṃ vā upekkhindriyaṃ vā saddhindriyaṃ viriyindriyaṃ satindriyaṃ samādhindriyaṃ. Kāmadhātuyā uppattikkhaṇe etesaṃ imāni terasindriyāni pātubhavanti. Ni pātubhavanti.

[BJT Page 296] [\x 296/]

Kāmadhātuyā uppattikkhaṇe1 kassa aparāni terasindriyāni pātubhavanti: paṭhamakappikānaṃ manussānaṃ sahetukānaṃ ñāṇasampayuttānaṃ upapattikkhaṇe terasindriyāni pātubhavanti: cakkhundriyaṃ sotindriyaṃ ghānindriyaṃ jivhindriyaṃ kāyindriyaṃ manindriyaṃ jīvitindriyaṃ somanassindriyaṃ vā upekkhindriyaṃ vā saddhindriyaṃ viriyindriyaṃ satindriyaṃ samādhindriyaṃ paññindriyaṃ kāmadhātuyā uppattikkhaṇe etesaṃ imāni terasindriyāni pātubhavanti.

Kāmadhātuyā uppattikkhaṇe kassa dvādasindriyāni pātubhavanti: phaṭhamakappikānaṃ manusānaṃ sahetukānaṃ ñāṇasampayuttānaṃ upapattikkhaṇe dvādasindriyāni pātubhavanti: cakkhundriyaṃ sotindriyaṃ ghānindriyaṃ jivhindriyaṃ kāyindriyaṃ manindriyaṃ jīvitindriyaṃ somanassindriyaṃ vā upekkhindriyaṃ vā saddhindriyaṃ viriyindriyaṃ satindriyaṃ samādhindriyaṃ. Kāmadhātuyā uppattikkhaṇe etesaṃ imāni dvādasindriyāni pātubhavanti.

Kāmadhātuyā uppattikkhaṇe kassa dasindriyāni pātubhavanti: gabbhaseyyakānaṃ sattānaṃ sahetukānaṃ ñāṇasampayuttānaṃ upapattikkhaṇe dasindriyāni pātubhavanti: kāyindriyaṃ manindriyaṃ itthindriyaṃ vā purisindriyaṃ vā jīvitindriyaṃ somanassindriyaṃ vā upekkhindriyaṃ vā saddhindriyaṃ viriyindriyaṃ satindriyaṃ samādhindriyaṃ paññindriyaṃ kāmadhātuyā uppattikkhaṇe etesaṃ imāni dasindriyāni pātubhavanti

[PTS Page 416] [\q 416/]

Kāmadhātuyā uppattikkhaṇe kassa navindriyāni pātubhavanti: gabbhaseyyakānaṃ sattānaṃ sahetukānaṃ ñaṇavippayuttānaṃ upapattikkhaṇe dasindriyāni pātubhavanti: kāyindriyaṃ manindriyaṃ itthindriyaṃ vā purisindriyaṃ vā jīvitindriyaṃ somanassindriyaṃ vā upekkhindriyaṃ vā saddhindriyaṃ viriyindriyaṃ satindriyaṃ samādhindriyaṃ paññindriyaṃ kāmadhātuyā uppattikkhaṇe etesaṃ imāni dasindriyāni pātubhavanti.

Kāmadhātuyā uppattikkhaṇe kassa aparāni navindriyāni pātubhavanti: opapātikānaṃ ptonaṃopapātikānaṃ asurānaṃ opapitikānaṃ tiracchānagatānaṃ nerayikānaṃ paripuṇṇāyatanānaṃ upapattikkhaṇe navindriyāni pātubhavanti: cakkhundriyaṃ sotindriyaṃ ghānindriyaṃ jivhindriyaṃ kāyindriyaṃ manindriyaṃ itthindriyaṃ vā purisindriyaṃ vā jīvitindriyaṃ upekkhindriyaṃ kāmadhātuyā uppattikkhaṇe etesaṃ imāni navindriyāni pātubhavanti.

Kāmadhātuyā uppattikkhaṇe kassa aṭṭhindriyāni pātubhavanti: opapātikānaṃ petānaṃ opapātikānaṃ asurānaṃ opapātikānaṃ tiracchānagatānaṃ nerayikānaṃ jaccandhānaṃ uppattikkhaṇe aṭṭhindriyāni pātubhavanti: sotindriyaṃ ghānindriyaṃ jivhindriyaṃ kāyindriyaṃ manindriyaṃ itthindriyaṃ vā purisindriyaṃ vā jīvitindriyaṃ upekkhindriyaṃ. Kāmadhātuyā uppattikkhaṇe etesaṃ imāni aṭṭhindriyāni pātubhavanti.

Kāmadhātuyā uppattikkhaṇe kassa aṭṭhindriyāni pātubhavanti: opapātikānaṃ petānaṃ opapātikānaṃ asurānaṃ opapātikānaṃ tiracchānagatānaṃ nerayikānaṃ jaccabadhirānaṃ uppattikkhaṇe aṭṭhindriyāni pātubhavanti: cakkhundriyaṃ ghānindriyaṃ jivhindriyaṃ kāyindriyaṃ manindriyaṃ itthindriyaṃ vā purisindriyaṃ vā jīvitindriyaṃ upekkhindriyaṃ. Kāmadhātuyā uppattikkhaṇe etesaṃ imāni aṭṭhindriyāni pātubhavanti.

1. Upapattikkhaṇe - machasaṃ.

[BJT Page 298] [\x 298/]

Kāmadhātuyā uppattikkhaṇe kassa sattindriyāni pātubhavanti:

Opapātikānaṃ petānaṃ opapātikānaṃ asurānaṃ opapātikinaṃ tiracchāna gatānaṃ nerayikānaṃ jaccandhabadhirānaṃ uppattikkhaṇe sattindriyāni pātubhavanti: ghānindriyaṃ [PTS Page 417] [\q 417/] jivhindriyaṃ kāyindriyaṃ manindriyaṃ itthindriyaṃ vā purisindriyaṃ vā jīvitindriyaṃ upekkhindriyaṃ. Kāmadhātuyā uppattikkhaṇe etesaṃ imāni sattindriyāni pātubhavanti.

Kāmadhātuyā uppattikkhaṇe kassa pañcindriyāni pātubhavanti: gabbhaseyyakānaṃ sattānaṃ ahetukānaṃ ṭhapetvā napuṃsakānaṃ uppattikkhaṇe pañcindriyāni pātubhavanti: kāyindriyaṃ manindriyaṃ itthindriyaṃ vā purisindriyaṃ vā jīvitindriyaṃ upekkhindriyaṃ. Kāmadhātuyā uppattikkhaṇe etesaṃ imāni pañcindriyāni pātubhavanti. Sattindriyāni pātubhavanti.

Kāmadhātuyā uppattikkhaṇe kassa cattārindrini pātubhavanti: gabbhaseyyakānaṃ sattānaṃ ahetukānaṃ napuṃsakānaṃ uppattikkhaṇe cattārindriyāni pātubhavanti: kāyindriyaṃ manindriyaṃ jīvitindriyaṃ upekkhindriyaṃ. Kāmadhātuyā uppattikkhaṇe etesaṃ imāni cattārindriyāni pātubhavanti.

1048.

Kāmadhātuyā uppattikkhaṇe kassa tayo hetu pātubhavanti: kāmāvacarānaṃ devānaṃ paṭhamakappikānaṃ manussānaṃ gabbhaseyyakānaṃ sattānaṃ sahetukānaṃ ñāṇasampayuttānaṃ uppattikkhaṇe tayo hetu pātubhavanti: alobho vipākahetu, adoso vipākahotu, amoho vipākahetu. Kāmadhātuyā uppattikkhaṇe etesaṃ ime tayo hetu pātubhavanti.

Kāmadhātuyā uppattikkhaṇe kassa dve hetu pātubhavanti: kāmāvacarānaṃ devānaṃ paṭhamakappikānaṃ manussānaṃ gabbhaseyyakānaṃ sattānaṃ sahetukānaṃ ñāṇavippayuttānaṃ uppattikaṇe dve hetu pātubhavanti: alobho vipākahetu, adoso vipākahetu, kāmadhātuyā uppattikkhaṇe etesaṃ ime dve hetu pātubhavanti.

Avasesā sattā1 ahetukā pātubhavanti.

1049. Kāmadhātuyā uppattikkhaṇe sabbesaṃ katame cattāro āhārā pātubhavanti: kabaḷiṅkāro āhāro phassāhāro manosañcetanāhāro viññāṇāhāro, kāmadhātuyā uppattikkhaṇe sabbesaṃ ime cattāro āhārā pātubhavanti.

1050. Kāmadhātuyā uppattikkhaṇe sabbesaṃ katamo eko phasso pātubhavati: manoviññāṇadātusamphasso. Kāmadhātuyā uppattikkhaṇe sabbesaṃ ayaṃ ekophasso pātubhavati.

1051. Kāmadhātuyā uppattikkhaṇe sabbesaṃ katamo ekā [PTS Page 418] [\q 418/] vedanā -pe ekā saññā -pe- ekā cetanā -pe- ekaṃ cittaṃ pātubhavati: manoviññāṇadhātu. Kāmadhātuyā uppattikkhaṇe sabbesaṃ idaṃ ekaṃ cittaṃ pātubhavati.

1052. Rūpadhātuyā uppattikkhaṇe kati khandhā pātubhavanti -pekati cittāni pātubhavanti: rūpadhātuyā uppattikkhaṇe ṭhapetvā asaññasattānaṃ devānaṃ pañcakkhandhā pātubhavanti, pañcāyatanāni pātubhavanti, pañca dhātuyo pātubhavanti, ekaṃ saccaṃ pātubhavati, dasindriyāni pātubhavanti, tayo hetu pātubhavanti, tayo āhārā pātubhavanti, eko phasso pātubhavati, ekā vedanā, ekā saññā, ekā cetanā, ekaṃ cittaṃ pātubhavati.

1. Avasesānaṃ sattānaṃ -sīmu, machasaṃ

[BJT Page 300] [\x 300/]

1053. Rūpadhātuyā uppattikkhaṇe katame pañcakkhandhā pātubhavanti: rūpakkhandho vedanākkhandho saññākkhandho saṅkhārakkhandho viñññāṇakkhandho. Rūpadhātuyā uppattikkhaṇe ime pañcakkhandhā pātubhavanti.

1054. Rūpadhātuyā uppattikkhaṇe katamāni pañcāyatanāni pātubhavanti: cakkhāyatanaṃ rūpāyatanaṃ sotāyatanaṃ manāyatanaṃ dhammāyatanaṃ. Rūpadhātuyā uppattikkhaṇe imāni pañcāyatanāni pātubhavanti.

1055. Rūpadhātuyā uppattikkhaṇe katamā pañca dhātuyo pātubhavanti: cakkhudhātu rūpadhātu sotadhātu manoviññāṇadhātu dhammadhātu. Rūpadhātuyā uppattikkhaṇe imā pañcadhātuyo pātubhavanti.

1056. Rūpadhātuyā uppattikkhaṇe katamaṃ ekaṃ saccaṃ pātubhavati: dukkhasaccaṃ. Rūpadhātuyā uppattikkhaṇe idaṃ ekaṃ saccaṃ pātubhavati.

1057. Rūpadhātuyā uppattikkhaṇe katamāni dasindriyāni pātubhavanti: cakkhundriyaṃ sotindriyaṃ mani ndriyaṃ jīvitindriyaṃ somanassindriyaṃ vā upekkhindriyaṃ vā saddhindriyaṃ [PTS Page 419] [\q 419/] viriyindriyaṃ satindriyaṃ samādhindriyaṃ paññindriyaṃ. Rūpadhātuyā uppattikkhaṇe imāni dasindriyāni pātubhavanti.

1058. Rūpadhātuyā uppattikaṇe katame tayo hetu pātubhavanti: alobho vipāka hetu, adoso vipākahetu, amoho vipākahetu. Rūpadhātuyā uppattikkhaṇe ime tayo hotu pātubhavanti.

1059. Rūpadhātuyā uppattikkhaṇe katame tayo āhārā pātubhavanti: phassāhāro ma nosañcetanāhāro viññāṇāhāro. Rūpadhātuyā uppattikkhaṇe ime tayo āhāra pātubhavanti.

1060. Rūpadhātuyā uppattikkhaṇe katamo eko phasso pātubhavati: manoviññāṇadhātusamphasso. Rūpadhātuyā uppattikkhaṇe ayaṃ eko phasso pātubhavati.

1061. Rūpadhātuyā uppattikkhaṇe katamā ekā vedāna -pe ekā saññā -pe- ekā cetanā -pe- ekaṃ cittaṃ pātubhavati: manoviññāṇadhātu. Rūpadhātuyā uppattikkhaṇe. Idaṃ ekaṃ cittaṃ pātubhavati.

1062. Asaññasattānaṃ devānaṃ uppattikkhaṇe kati khandhā pātubhavanti: -pe- kati cittāni pātubhavanti: asañññasattānaṃ devānaṃ uppattikkhaṇe eko khandho pātubhavati: rūpakkhandho. Dve āyatanāni pātubhavanti: rūpāyatanaṃ dhammāyatanaṃ. Dve dhātuyo pātubhavanti: rūpadhātu dhammadhātu. Ekaṃ saccaṃ pātubhavati: dukkhasaccaṃ. Ekindriyaṃ pātubhavati: rūpajīvitindriyaṃ. Asaññasattā devā ahetukā, anāhārā, aphassakā, avedanakā, asaññakā, acetanakā, acittakā pātubhavanti.

[BJT Page 302] [\x 302/]

1063. Arūpadhātuyā uppattikkhaṇe kati khandhā pātubhavanti: -pekati cittāni pātubhavanti: arūpadhātuyā uppattikkhaṇe cattāro khandhā pātubhavanti, dve āyatanānipātubhavanti, dve dhātuyo pātubhavanti, ekaṃ saccaṃ pātubhavati, aṭṭhindriyāni pātubhavanti. Tayo hetu pātubhavanti, tayo āhārā pātubhavanti, eko phasso pātubhavati ekā vedanā - ekā saññā-ekā [PTS Page 420] [\q 420/] cetanā-ekaṃ cittaṃ pātibhavati.

1064. Arūpadhātuyā uppattikkhaṇe katame cattāro khandhā pātubhavanti: vedanākkhandho saññākkhandho saṅkhārakkhandho viññāṇakkhandho. Arūpadhātuyā uppattikkhaṇe ime cattāro khandhā pātubhavanti.

Arūpadhātuyā uppattikkhaṇe katamāni dve āyatanāni pātubhavanti: manāyatanaṃ dhammāyatanaṃ, arūpadhātuyā uppattikkhaṇe imāni dve āyatanāni pātubhavanti.

Arūpadhātuyā uppattikkhaṇe katamā dve dhātuyo pātubhavanti: manoviññāṇadhātu dhammadhātu. Arūpadhātuyā uppattikkhaṇe imā dve dhātuyo pātubhavanti.

Arūpadhātuyā uppattikkhaṇe katamaṃekaṃ saccaṃ pātubhavati: dukkhasaccaṃ. Arūpadhātuyā uppattikkhaṇe idaṃ ekaṃ saccaṃ pātubhavati.

Arūpadhātuyā uppattikkhaṇe katamāni aṭṭhindriyāni pātubhavanti: manindriyaṃ jīvitindriyaṃ upekkhindriyaṃ saddhindriyaṃ viriyindriyaṃ satindriyaṃ samādhindriyaṃ paññindriyaṃ. Arūpadhātuyā uppattikkhaṇe imāni aṭṭhindriyāni pātubhavanti.

Arūpadhātuyā uppattikkhaṇe katame tayo hetu pātubhavanti: alobho vipākahetu, adoso vipākahetu, amoho vipākahotu. Arūpadhātuyā uppattikkhaṇe ime tayo hetu pātubhavanti.

Arūpadhātuyā uppattikkhaṇe katame tayo āhārā pātubhavanti: phassāhāro manosañcetanāhāro viñññāṇāhāro. Arūpadhātuyā uppattikkhaṇe ime tayo āhārā pātubhavanti.

Arūpadhātuyā uppattikkhaṇe katamo eko phasso pātubhavati: manoviññāṇadhātusamphasso. Arūpadhātuyā uppattikkhaṇe ayaṃ eko phasso pātubhavati.

Arūpadhātuyā uppattikkhaṇe katamā ekā vedanā -pe- ekā saññā -pe- ekā cetanā -pe- ekaṃ cittaṃ pātubhavati: mano viññāṇadhātu. Arūpadhātuyā uppattikkhaṇe idaṃ ekaṃ cittaṃ pātubhavati. [PTS Page 421] [\q 421/]

5.

1065. Kāmāvacarā dhammā, na kāmāvacarā dhammā, rūpāvacarā dhammā, na rūpāvacarā dhammā, arūpāvacarā dhammā, na arūpāvacarā dhammā, pariyāpannā dhammā, apariyāpannā dhammā.

1066. Katame dhammo kāmāvacarā: ṭṭheto avīcīnirayaṃ pariyantaṃ karitvā, uparito paranimmita - vasavattideve anto karitvā yaṃ etasmiṃ antare etthāvacarā ettha pariyāpannā khandhā dhātu āyatanā rūpā vedāna saññā saṅkhārā viññāṇaṃ. Ime dhammā kāmāvacarā.

[BJT Page 304] [\x 304/]

1067. Katame dhammā na kāmāvacarā: rūpāvacarā arūpāvacarā apariyāpannā. Imedhammā na kāmāvacarā.

1068. Katame dhammā rūpāvacarā: heṭṭhato brahmalokaṃ pariyantaṃ karitvā uparito akaniṭṭhe deve anto karitvā yaṃ etasmiṃ antare etthāvacārā ettha pariyāpannā samāpannassa vā upapannassa vā diṭṭhadhammasukhavihārissa vā cittacetasikā dhammā. Ime dhammā rapāvacarā.

1069. Katame dhammā na rūpāvacarā: kāmāvacarā arūpāvacarā apariyāpannā. Imedhammā na rūpāvacarā.

1070. Katame dhammā arūpāvacarā: heṭṭhato ākāsānañcāyatanūpage deve pariyantaṃ karitvā uparito nevasaññānāsaññāyatanūpage deve anto karitvā yaṃ etasmiṃ antare etthāvacarā ottha pariyāpannā samāpannassa vā upapannassa vā diṭṭhadhammasukhavihārissa vā cittacetasikā dhammā. Ime dhammā arūpāvacarā.

1071. Katame dhammā na arūpāvacarā: kāmāvacarā rūpāvacarā apariyāpannā. Ime dhammā na arūpāvacarā.

1072, Katame dhammā pariyāpannā: sāsavā kusalākusalābyākatā dhammā, kāmāvacarā rūpāvacarā arūpāvacarā, rūpakkhandho vedanākkhandho saññākkhandho saṅkhārakkhandho viññāṇakkhandho. Ime dhammā pariyāpannā.

1073. Katame dhammā apariyāpannā: maggā ca maggaphalāni ca asaṅkhatā ca dhātu. Ime dhammā apariyāpannaṃ. [PTS Page 422] [\q 422/]

6.

1074. Devāti tayo devā: sammuti devā, uppatti devā, visuddhi devā. Sammutidevā nāma rājāno, deviyo, kumārā. Uppattidevā nāma cātummahārājike deve upādāya tadupari devā. Visuddhidevā nāma arahanto vuccanti.

1075. Dānaṃ datvā sīlaṃ samādiyitvā uposathakammaṃ katvā kattha uppajjanti.

Dānaṃ datvā sīlaṃ samādiyitvā uposathakammaṃ katvā appekacce gahapatimahāsāḷānaṃ1 sahavyataṃ upapajjanti2, appekacce brāhmaṇamahāsāḷānaṃ sahavyataṃupapajjanti2. Appekacce khattiyamahāsaḷānaṃ2 sahavyataṃ upapajjanti2, appekacce cātummahārājikānaṃ4 devānaṃ sahavyataṃ upapajjanti, appekacce tāvatiṃsānaṃ devānaṃ sahavyataṃ upapajjanti. Appekacce yāmānaṃ devānaṃ sahavyataṃupapajjanti, appekacce tusitānaṃ devānaṃ sahavyataṃ upapajjanti, appekacce nimmāṇaratinaṃ devānaṃ sahavyataṃ upapajjanti, appekacce paranimmita vasavattīnaṃ devānaṃ sahavyataṃ upapajjanti. 1

1. Khattiyamahāsāḷānaṃ - sirimu, machasaṃ, syā. 2. Uppajjanti -sirimu. 3. Gahapatimahāsāḷānaṃ- sirimu, machasaṃ, syā. 4. Cātumahārājikānaṃ -machasaṃ.

[BJT Page 306] [\x 306/]

1076. Manussānaṃ kittakaṃ āyuppamānaṃ: vassasataṃ appaṃ vā bhiyyo.

1077. Cātummahārājikānaṃ devānaṃ kittakaṃ āyuppamānaṃ: yāni mānussakāni paññāsavassāni cātummahārājikānaṃ devānaṃ eso eko rattindivo. Tāya rattiyā tiṃsa rattiyo māso. Tena māsena dvādasamāsiyo saṃvaccharo. Tena saṃvaccharena dibbāni pañca vassasatāni cātummahārājikānaṃ devānaṃ āyuppamānaṃ. Manussānaṃ gaṇanāya kittakaṃ hota: navutivassasatasahassāni.

1078. Tāvatiṃsānaṃ devānaṃ kittakaṃ āyuppamāṇaṃ: yaṃ mānussakaṃ vassasataṃ, tāvatiṃsānaṃ devānaṃ eso eko rattindivo. Tāya rattiyā tiṃsa rattiyo māso, tena māsona dvādasamāsiyo saṃvaccharo, tena saṃvaccharena dibbaṃ vassasahassaṃ tāvatiṃsānaṃ devānaṃ āyuppamāṇaṃ. Manussānaṃ gaṇanāya kittakaṃ hoti: tisso ca vassakoṭiyo saṭṭhi ca vassasatasahassāni.

1079. Yāmānaṃ devānaṃ kittakaṃ āyuppamāṇaṃ: yāni mānussakāni dve massasatāni dve vassasatāni, yāmānaṃ devānaṃ eso [PTS Page 423] [\q 423/] eko rattindivo. Tāya rattiyā tiṃsarattiyo māso tena māsena dvādasamāsiyo saṃvaccharo. Te saṃvaccharena dibbāni dve vassasahassāni yāmānaṃ devānaṃ āyuppamāṇaṃ. Manussānaṃ gaṇanāya kittakaṃ hoti: cuddasa ca1 vassakoṭiyo cattārīsañca vassasatasahassāni.

1080. Tusitānaṃ devānaṃ kittakaṃ āyuppamāṇaṃ: yāni mānussakāni cattāri dve vassasatāni, tusitānaṃ devānaṃ eso eko rattindivo. Tāya rattiyā tiṃsarattiyo māso tena māsena dvādasamāsiyo saṃvaccharo. Tena saṃvaccharena dibbāni cattāri vassasahassāni tusitānaṃ devānaṃ āyuppamāṇaṃ. Manussānaṃ gaṇanāya kittakaṃ hoti: sattapaññāsa vassakoṭiyo saṭṭhi ca vassasatasahassāni.

1081. Nimmāṇaratīnaṃ devānaṃ kittakaṃ āyuppamāṇaṃ: yāni mānussakāni aṭṭhavassasatāni, nimmāratīnaṃ devānaṃ eso eko rattindivo. Tāya rattiyā tiṃsarattiyo māso tena māsena dvādasamāsiyo saṃvaccharo. Tena saṃvaccharena dibbāni aṭṭha vassasahassāni nimmāṇaratīnaṃ devānaṃ āyuppamāṇaṃ. Manussānaṃ gaṇanāya kittakaṃ hoti: dve vassakoṭisatāni tiṃsā ca vassakoṭiyo cattarīsañca vassasatasahassāni.

1082. Paranimmitavasavattīnaṃ devānaṃ kittakaṃ āyuppamāṇaṃ: yāni mānussakāni soḷasavassasatāni, paranimmitavasavattīnaṃ devānaṃ eso eko rattindivo. Tāya rattiyā tiṃsa rattiyo māso tena māsena dvādasamāsiyo saṃvaccharo. Tena saṃvaccharena dibbāni soḷasavassasahassāni paranimmitavasavattīnaṃ devānaṃ āyuppamāṇaṃ. Manussānaṃ gaṇanāya kittakaṃ hoti: nava ca vassakoṭi satāni ekavīsañca vassakoṭiyo saṭṭhi ca vassasatasahassānī'ti. Ssāni.

1. Cuddasañca0 sirimu, machasaṃ. 2. Tisso ca vassakoṭiyo - sirimu.

[BJT Page 308] [\x 308/]

1083. Cha ete kāmāvacarā- sabbakāmasamiddhano.

Sabbesaṃ ekasaṅkhāto- āyu bhavati kittako,

Dvādasa koṭisataṃ tesaṃ -aṭṭhavīsañca koṭiyo,

Paññāsa satasahassāni - vassaggena pakāsitā'ti. [PTS Page 424] [\q 424/]

1384. Paṭhamaṃ jhānaṃ parittaṃ bhāvetvā kattha uppajjanti: paṭhamaṃ jhānaṃ1 parittaṃbhāvetvā brahmapārisajjānaṃ devānaṃ sahavyataṃ upapajjanti. Tesaṃ kittakaṃ āyuppamānaṃ: kappassa tatiyo bāgo. Paṭhamaṃ jhānaṃ majjhimaṃ bhāvetvā kattha uppajjanti: paṭhamaṃ jhānaṃ majjhimaṃ bhāvetvā brahmapurohitānaṃ devānaṃ sahavyataṃ upapajjanti, tesaṃ kittakaṃ āyuppamāṇaṃ: upaḍḍhakappo. Paṭhamaṃ jhānaṃ paṇītaṃ bhāvetvā kattha uppajjanti: paṭhamaṃ jhānaṃ paṇītaṃ bhāvetvā mahābrahmānaṃ devānaṃ sahavyataṃ upapajjanti, tesaṃ kittakaṃ āyuppamāṇaṃ: kappo.

1085. Dutiyaṃ jhānaṃ2 parittaṃ bhāvetvā kattha uppajjanti: dutiyaṃ jhānaṃ parittaṃbhāvetvā parittābhānaṃ devānaṃ sahavyataṃ upapajjanti. Tesaṃ kittakaṃ āyuppamāṇaṃ: dve kappā. Dutiyaṃ jhānaṃ majjhimaṃ bhāvetvā kattha uppajjanti: dutiyaṃ jhānaṃ majjhimaṃ bhāvetvā appamāṇābhānaṃ devānaṃ sahavyataṃ upapajjanti. Tesaṃ kittakaṃ āyuppamāṇaṃ: cattāro kappā. Dutiyaṃ jhānaṃ paṇītaṃ bhāvetvā kattha uppajjanti: dutiyaṃ jhānaṃ paṇītaṃ bhāvetvā ābhassarānaṃ devānaṃ sahavyataṃ upapajjanti. Tesaṃ kittakaṃ āyuppamāṇaṃ: aṭṭha kappā.

1086. Tatiyaṃ jhānaṃ3 parittaṃ bhāvetvā kattha uppajjanti: tatiyaṃ jhānaṃ parittaṃ bhāvetvā parittasubhānaṃ devānaṃ sahavyataṃ upapajjanti. 4 Tesaṃ kittakaṃ āyuppamāṇaṃ: soḷasa kappā. Tatiyaṃ jhānaṃ majjhimaṃ bhāvetva kattha uppajjanti: tatiyaṃ jhānaṃ majjhimaṃ bhāvetvā appamāṇasubhānaṃ devānaṃ sahavyataṃ upapajjanti. [PTS Page 425] [\q 425/] tesaṃ kittakaṃ āyuppamānaṃ: dvattiṃsa kappā. Tatiyaṃ jhānaṃ paṇītaṃ bhāvetva subhakiṇhānaṃ devānaṃsahavyataṃ upapajjanti. Tesaṃ kittakaṃ āyuppamāṇaṃ: catusaṭṭhikappo.

1087. Tatutthaṃ jhānaṃ5 bhāvetvā ārammaṇanānattatā manasikāra nānattatā chandanānattatā paṇīdhinānattatā adimokkhanānattā abhinīhāranānattatā paññānānattatā appekacce asaññasattānaṃ devānaṃ sahavyataṃ upapajjanti, appekacce vehapphalānaṃ devānaṃ sahavyataṃ upapajjanti, appekacce avihānaṃ devānaṃ sahavyataṃ upapajjanti, appekacce atappānaṃ devānaṃ sahavyataṃ upapajjanti, appekacce sudassānaṃ devānaṃ sahavyataṃ upapajjanti, appekacce sudassīnaṃ devānaṃ sahavyataṃ upapajjanti, appekacce akaniṭṭhānaṃ devānaṃ sahavyataṃ upapajjanta. Appekacce viññāṇañcāyatanūpagānaṃ devānaṃ sahavyataṃ upapajjanti, appekacce ākiñcaññāyatanūpagānaṃ devānaṃ sahavyataṃupapajjanti appekacce nevasaññānāsaññāyatanūpagānaṃ devānaṃ sahavyataṃ upapajjanti.

1. Paṭhamajjhānaṃ -sirimu. 2. Dutiyajjhānaṃ -sirimu. 3. Tatiyajjhānaṃ-sirimu. 4. Uppajjanti-sirimu 5. Catutthajjhānaṃ - sirimu.

[BJT Page 310] [\x 310/]

1088. Asaññasattānañca vehapphalānañca devānaṃ kittakaṃ āyuppamānaṃ: pañca kappasatāni.

Avihānaṃ devānaṃ kittakaṃ āyupmāṇaṃ: kappasahassaṃ.

Atappānaṃ devānaṃ kittakaṃ āyupmāṇaṃ: dve kappasahassāni.

Sudassānaṃ devānaṃ kittakaṃ āyupmāṇaṃ: cattāri kappasahassāni.

Sudassīnaṃ devānaṃ kittakaṃ āyupmāṇaṃ: aṭṭha kappasahassāni.

Akaniṭṭhakānaṃ devānaṃ kittakaṃ āyupmāṇaṃ: soḷasa ka ppasahassāni.

Ākāsānañcāyatanūpagānaṃ devānaṃ kittakaṃ āyupmāṇaṃ: vīsati kappasahassāni.

Viññāṇañcāyatanūpagānaṃ devānaṃ kittakaṃ āyupmāṇaṃ: cattārīsa kappasahassāni. [PTS Page 426] [\q 426/]

Ākiñcaññāyatanūpagānaṃ devānaṃ kittakaṃ āyupmāṇaṃ: saṭṭhi kappasahassāni.

Nevasaññānāññāyatanūpagānaṃ devānaṃ kittakaṃ āyupmāṇaṃ: caturāsīti kappasahassāni.

1089. Ukkhittā puññatejena - kāmarūpagatiṅgatā

Bhavaggatampi sampattā - punāgacchanti duggati. -

Tāva dīghāyukā sattā - vacanti āyusaṅkhayā,

Natthi kocī bhavo nicco -iti vuttaṃ mahesinā.

Tasmā hi dhirā nipakā-nipuṇā atthacintakā,

Jarāmaraṇamokkhāya -bhāventi maggamuttamaṃ.

Bhāvayitvā suciṃ1 maggaṃ -nibbāṇogadhagāminaṃ,

Sabbāsace2 pariññāya - parinibbanti anāsavā'ti.

7.

1090. Pañcannaṃ khandhānaṃ kati abiññeyyā, kati pariññeyyā. Kati pahātabbā, kati bhāvatabbā, kati sacchikātabbā, kati na pahātabbā, na bhāvetabbā, na sacchikātabbā -pe- sattannaṃ cittānaṃ kati abhiññeyyā, kati pariññeyyā, kati pahātabbā, kati bhāvetabbā, kati sacchikātabbā, kati na pahātabbā, na bhāvetabbā, na sacchikātabbā:

1091. Rūpakkhandho abhiññeyyo pariññeyyo na pahātabbo na bhāvetabbo na sacchikātabbo. Cattāro khandhā abhiññeyyā pariññeyyā, siyā pahātabbā, siyā bhāvetabbā, siyā sacchikātabbā, siyā na pahātabbā. Na bhāvetabbā, na saccikātabbā.

1. Suci maggaṃ -[PTS] 2. Sabbabhave -katthaci.

[BJT Page 312. [\x 312/] ]

1092. Dasāyatanā abhiññeyyā, pariññeyyā, na pahātabbā, na bhāvetabbā, na sacchikātabbā. Dve āyatanā abhiññoyyā pariññeyyā, siyā pahātabbā, siyā bhāvetabbā, siyā sacchikātabbā, siyā na pahātabbā. Na bhavetabbā, na sacchikātabbā.

1093. Soḷasadhātuyo abhiññeyyā, pariññeyyā, na pahātabbā. Na bhāvetabbā, nasacchikātabbā. Dve dhātuyo abhiññeyyā pariññeyyā, siyā pahātabbā, siyā bhāvetabbā, siyā sacchikātabbā, sāya na pahātabbā, na bhāvetabbā, na sacchikātabbā.

1094. Samudayasaccaṃ abhiññeyyaṃ pariññeyyaṃ pahātabbaṃ na bhāvetabbaṃ na sacchikātabbaṃ. Maggasaccaṃ abhiññeyyaṃ pariññeyyaṃ na pahātabbaṃ bhāvetabbaṃ na [PTS Page 427] [\q 427/] sacchikātabbaṃ. Nirodhasaccaṃ abhiññeyyaṃ pariññeyyaṃ na pahātabbaṃ na bhāvetabbaṃ sacchikātabbaṃ. Dukkhasaccaṃ abhiññeyyaṃ pariññeyyaṃ, siyā pahātabbaṃ na bhāvetabbaṃ, na sacchikātabbaṃ, siyā na pahātabbaṃ.

1095. Navindriyā abhiññeyyā pariññeyyā na pahātabbā na bhāvetabbā na sacchikātabbā. Domanassindriyaṃ abhiññeyyaṃ pariññeyyaṃ pahātabbaṃ na bhāvetabbaṃ na sacchikātabbaṃ. Anaññātaññassāmītindriyaṃ abhiññeyyaṃ pariññeyyaṃ na pahātabbaṃ. Bhāve tabbaṃ na sacchikātabbaṃ. Aññindriyaṃ abiññeyyaṃ pariññeyyaṃ na pahātabbaṃ. Siyā bhāvetabbaṃ, siyā sacchikātabbaṃ. Aññatāvindriyaṃ abhiññeyyaṃ pariññeyyaṃ na pahātabbaṃ na bhāvetabbaṃ sacchikātabbaṃ. Tīnindriyā abiññeyyā pariññeyyā na pahātabbā, siyā bhāvetabbā, siyā sacchikātabbā, siyā na bhāvetabbā na sacchikātabbā. Cha indriyā abhiññeyyā pariññeyyā, siyā pahātabbā, siyā bhāvetabbā siyā sacchikātabbā, siyāna pahātabbā, na bhāvetabbā, na sacchikātabbā.

1096 Tayo akusalahetu abiññeyyā pariññeyyā pahātabbā, na bhāvetabbā, na sacchikātabbā. Tayo kusalahetu abhiññeyyā pariññeyyā, na pahātabbā, siyā bhātebbā na sacchikātabbā, siyā na bhāvetabbā. Tayo avyākatahetu abhiññeyyā pariññeyyā, na pahātabbā na bhāvetabbā, siyā sacchikātabbā, siyā na sacchikātabbā.

1097. Kabaḷiṅkāro āhāro abhiññeyyo, pariññeyyo, na pahātabbo, na bhāvetabbo, na sacchikātabbo. Tayo āhārā abhiññeyyā, pariññeyayā, siyā pahātabbā, siyā bhāvetabbā. Siyā sacchikātabbā, siyā na pahātabbā, na bhāvetabbā. Na sacchikātabbā.

1098. Cha phassā abiññeyyā, pariññeyyā, na pahātabbā, na bhāvetabbā, na sacchikātabbā. Manoviññāṇadhātusmaphasso abhiññeyyo, pariññeyeyā, siyā pahātabbo, siyā bhāvetabbo, siyā sacchikātabbo, siyā na pahātabbo, na bhāvetabbo, na sacchikātabbo.

[BJT Page 314] [\x 314/]

1099. Cha vedanā, cha saññā, cha cetanā, cha cittā abhiññeyyā pariññeyyā na pahātabbā na bhāvetabbā na sacchikātabbā.

1100. Manoviññāṇadhātu abhiññeyyā pariññeyyā siyā pahātabbā, siyā bhāvetabbā, siyā sacchikātabbā, [PTS Page 428] [\q 428/] siyā na pahātabbā, na bhāvetabbā na sacchikātabbā.

8.

1101. Pañcannaṃ khandhānaṃ kati sārammaṇā, kati anārammaṇā-pesattannaṃ cittānaṃkati sārammaṇā, kati anārammaṇā:

1102. Rūpakkhandho anārammaṇo. Cattāro khandhā sārammaṇā.

Dasāyatanā anārammaṇā, manāyatanaṃ sārammaṇaṃ. Dhammāyatanaṃ siyā sārammaṇaṃ, siyā anārammaṇaṃ.

Dasadhātuyo anārammaṇā. Sattadhātuyo sārammaṇā, dhammadhātu siyā sārammaṇā, siyā anārammaṇā.

Dve saccā sārammaṇā. Nirodhasaccaṃ anārammaṇaṃ. Dukkhasaccaṃ siyā sārammaṇaṃ, siyāanārammaṇaṃ.

Sattindriyā anārammaṇā, cuddasinduyā sārammaṇā. Jīvitindriyaṃ siyā sārammaṇaṃ, siyā anārammaṇaṃ.

Nava hetu sārammaṇā, kabaḷiṅkāro āhāro anārammaṇo, tayo āhārā sārammaṇā.

Sattaphassā, satta vedanā, satta saññā, satta cetanā, satta cittā sārammaṇā.

1103. Pañcannaṃ khandhānaṃ kati sārammaṇārammaṇā, kati anārammaṇārammaṇā -pesattannaṃ cittānaṃ kati sārammaṇārammaṇā, kati anārammaṇārammaṇā:

1104. Rūpakkhandho anārammaṇo. Cattāro khandhā siyā sārammaṇā rammaṇā, siyā anārammaṇārammaṇā.

Dasāyatanā anārammaṇā. Manāyatanaṃ siyā sārammaṇārammaṇaṃ, siyā anārammaṇārammaṇaṃ. Dhammāyatanaṃ siyā sārammaṇārammaṇaṃ, siyā anārammaṇārammaṇaṃ, siyā anārammaṇaṃ.

Dasa dhātuyo anārammaṇā. Cha dhātuyo anārammaṇārammaṇā. Manoviññāṇadhātu siyā sārammaṇārammaṇā, siyā anārammaṇārammaṇā, dhammadhātu siyā sārammaṇārammaṇā, siyā anārammaṇārammaṇā, siyā anārammaṇā

Nirodhasaccaṃ anārammaṇaṃ. Maggasaccaṃ anārammaṇārammaṇaṃ. Samudayasaccaṃ siyā sārammaṇārammaṇaṃ, siyā anārammaṇārammaṇaṃ, [PTS Page 429] [\q 429/] dukkhasaccaṃ siyā sārammaṇārammaṇaṃ, siyāaṇārammaṇaṃ, siyā anārammaṇaṃ.

[BJT Page 316. [\x 316/] ]

Sattindriyā anārammaṇā. Pañcindriyā anārammaṇārammaṇā. Navīndriyā siyā sārammaṇārammaṇā, siyā anārammaṇārammaṇā. Jīvitindriyaṃ siyā sārammaṇārammaṇaṃ, siyāanārammaṇārammaṇaṃ, siyā anārammaṇaṃ.

Nava hetu siyā sārammaṇārammaṇā, siyā anārammaṇārammaṇā.

Kabaḷiṅkāro āhāro anārammaṇo. Tayo āhārā siyā sārammaṇārammaṇā, siyāanārammaṇārammaṇā.

Cha phassā anārammaṇārammaṇā. Manoviññāṇadhātusamphasso siyā sārammaṇārammaṇo, siyā anārammaṇārammaṇo.

Cha vedanā, cha saññā, cha cetanā, chacittā anārammaṇārammaṇā. Manoviññāṇadhātu siyā sārammaṇārammaṇā, siyā anārammaṇārammaṇā.

9.

1105. Pañcannaṃ khandhānaṃ kati diṭṭhā, kati sutā, kati mutā, kati viññātā, kati na diṭṭhā, na sutā, na mutā, na viññātā, -pesattannaṃ cittānaṃ kati diṭṭhā, kati sutā, kati mutā, kati viññātā, kati na diṭṭhā, na sutā, na mutā, na viññātā:

Rūpakkhandho siyā diṭṭho, siyā suto, siyā muto, siyā viññāto, siyā na diṭṭho, na suto, na muto, na viññāto. Cattāro khandhā na diṭṭhā, na sutā, na mutā, viññātā.

Rūpāyatanaṃ diṭṭhaṃ, na sutaṃ na mutaṃ, viññātaṃ. Saddāyatanaṃ na diṭṭhaṃ, sutaṃ, na mutaṃ, viñññātaṃ. Gandhāyatanaṃ rasāyatanaṃ phoṭṭhabbāyatanaṃ na diṭṭhaṃ, na sutaṃ, mutaṃ, viññātaṃ. Sattāyatanā na diṭṭhā, na sutā, na mutā, viññātā.

Rūpadhātu diṭṭhā, na sutā, na mutā, viññātā. Saddadhātu na diṭṭhā, sutā, na mutā, viññātā. Gandhadhātu rasadhātu phoṭṭhabbadhātu na diṭṭhā, na sutā, mutā, viññātā. Terasa dhātuyo na diṭṭhā, na sutā, na mutā, viññātā.

Tīṇi saccāni na diṭṭhā, na sutā, na mutā, viññātā. Dukkhasaccaṃ siyā diṭṭhaṃ, siyā sutaṃ, siyā mutaṃ, siyā viññātaṃ, siyā na diṭṭhaṃ, na sutaṃ, na mutaṃ, viññātaṃ.

Bāvīsatindriyā na diṭṭhā, na sutā, na mutā, viññātā.

Nava hetu na diṭṭhā, na sutā, na mutā, viññātā.

Cattāro āhārā na diṭṭhā, na sutā, na mutā, viññātā. [PTS Page 430] [\q 430/]

Satta phassā na diṭṭhā, na sutā, na mutā, viññātā.

Satta vedanā, satta saññā, satta cetanā, satta cittā, na diṭṭhā, na sutā, na mutā, viññātā.

[BJT Page 318] [\x 318/]

10.

1107. Pañcannaṃ khandhānaṃ kati kusalā, kati akusalā, kati avyākatā, -pesattannaṃcittānaṃ kati kusalā, kati akusalā, kati avayākatā:

1108. Rūpakkhandho avayākato. Cattāro khandhā siyā kusalā, siyā akusalā, siyā avyākatā.

Dasāyatanā avyākatā. Dvāyatanā siyā kusalā, siyā akusalaja, siyā avyākatā.

Soḷasa dhātuyo avyakatā. Dve dhātuyo. Siyā kusalā, siyā akusalā, siyā avyākatā.

Samudayasaccaṃ akusalaṃ. Maggasaccaṃ kusalaṃ. Nirodhasaccaṃ avyākataṃ. Dukkha saccaṃ siyā kusalaṃ. Siyā akusalaṃ, siyā avyākataṃ.

Dasindriyā avayākatā. Domanassindriyaṃ akusalaṃ anaññātaññassāmītindriyaṃ kusalaṃ. Cattārindriyā siyā kusalā, siyā avayākatā. Cha indriyā siyā kusalā, siyā akusalā, siyā avyākatā.

Tayo kusalahetu kusalaja. Tayo akusalahetu akusalā. Tayo avyākatahetu vyākatā.

Kabaḷiṅkāro āhāro avyākato. Tayo āhārā siyā kusalaja, siyā akusalaja, siyā avyākatā.

Cha phassā avyākatā. Manoviññāṇadhātusamphasso siyā kusalo, siyā akusalo, siyāavyākato.

Cha vedanā, cha saññā, cha cetanā, cha cittā avyākatā. Mano viññāṇadhātu siyā kusalā, siyā akusalā, siyā avyākatā.

1109. Pañcannaṃ khandhānaṃ kati sukhāya vedanāya sampayuttā: kati dukkhāya vedanāya sampayuttā: kati adukkhamasukhāya vedanāya sampayuttā: -pe- sattannaṃ cittānaṃ kati sukhāya vedanāya sampayuttā: kati dukkhāya vedanāya sampayuttā: kati adukkhamasukhāya vedanāya sampayuttā:

1110. Dve khandhā na vattabbā sukhāya vedanāya sampayuttātipi dukkhāya vedanāya sampayuttātīpi adukkhamasukhāya vedanāya sampayuttātipi. Tayo khandhā siyā sukhāya vedanāya sampayuttā, siyā dukkhāya vedanāya sampayuttā, siyā adukkhamasukhāya vedanāya sampayuttā. [PTS Page 431] [\q 431/]

Dasāyatanā na vattabbā sukhāya vedanāya sampayuttātipi dukkhāya vedanāya sampayuttātipi adukkhamasukhāya vedanāya sampayuttātipi. Manāyatanaṃ siyā sukhāya vedanāya sampayuttaṃ, siyā dukkhāya vedanāya sampayuttaṃ, siyā adukkhamasukhāya vedanāya sampayuttaṃ. Dhammāyatanaṃ siyā sukhāya vedanāya sampayuttaṃ, siyā dukkhāya vedanāya sampayuttaṃ, siyā adukkhamasukhāya vedanāya sampayuttaṃ, siyā navatabbaṃ sukhāya vedanāya sampayuttantipi dukkhāya vedanāya sampayuttantipi adukkhamasukhāya vedanāya sampayuttantipi.

[BJT Page 320] [\x 320/]

Dasadhātuyo navattabbā sukhāya vedanāya sampayuttātipi. Dukkhāya vedanāya sampayuttātipi adukkhamasukhāya vedanāya sampayuttātipi. Pañca dhātuyo adukkhamasukhāya vedanāya sampayuttā. Kāyaviññāṇadhātu siyā sukhāya vedanāya sampayuttā, siyā dukkhāyavedanāya sampayutta. Manoviññāṇadhātu siyā sukhāya vedanāya sampayuttā, siyā dukkhāya vedanāya sampayuttā, siyā adukkhamasukhāya vedanāya sampayuttā. Dhammadhātu siyā sukhāya vedanāya sampayuttā, siyā dukkhāya vedanāya sampayuttā, siyā adukkhamasukhāya vedanāya sampayuttā, siyā na vattabbā sukhāya vedanāya sampayuttātipi dukkhāya vedanāya sampayuttātipi adukkhamasukhāya vedanāya sampayuttātipi.

Dve saccā siyā sukhāya vedanāya sampayuttā, siyā adukkhamasukhāya vedanāya sampayuttā. Nirodhasaccaṃ. Na vattabbaṃ sukhāya vedanāya sampayuttantipi dukkhāya vedanāya sampayuttantipi adukkhamasukhāya vedanāya sampayuttantapi. Dukkhasaccaṃ sayā sukhāya vedanāya sampayuttaṃ. Siyā dukkhāya vedanāya sampayuttaṃ, siyā adukkhamasukhāya vedanāya sampayuttaṃ. Siyā na vattabbaṃ sukhāya vedanāya sampayuttantipi dukkhāya vedanāya sampayuttantipi adukkhamasukhāya vedanāya sampayuttantipi.

Dvadasindriyā na vattabbā sukhāya vedanāya sampayuttātipi dukkhāya vedanāya sampayuttātipiadukkhamasukāya vedanāya sampayuttātipi. Cha indriyā siyā sukhāya vedanāya sampayuttā, siyā adukkhamasukhāya vedanāya sampayuttā. Tīṇindriyā siyā sukhāya vedanāya sampayuttā, siyā dukkhāya vedanāya [PTS Page 432] [\q 432/] sampayuttā, siyā adukkhamasukhāya vedanāya sampayuttā. Jīvitivdriyaṃ siyā sukāya vedanāya sampayuttaṃ, siyā dukkhāya vedanāya sampayuttaṃ, siyā adukkhamasukhāya vedanāya sampayuttaṃ siyā na vattabbaṃ sukhāya vedanāyasampayuttantipi dukkhāya vedanāya sampayuttantipi adukkhamasukhāya vedanāya sampayuttantipi.

Doso akusalahetu dukkhāya vedanāya sampayutto. Sattahetu siyā sukhāya vedanāya sampayuttā, siyā adukkhamasukhāya vedanāya sampayuttā. Moho akusalahetu siyā sukhāyavedanāya sampayutto, siyā dukkhāya vedanāya sampayutto, siyā adukkhamasukhāya vedanāya sampayutto.

Kabaḷiṅkāro āhāro na vattabbo sukhāya vedanāya sampayuttotipi dukkhāya vedanāya sampayuttotipi adukkhamasukhāya vedanāya sampayuttotipi. Tayo āhārā siyā sukhāya vedanāya sampayuttā. Siyā dukkhāya vedanāya sampayuttā, siyā adukkhamasukhāya vedanāya sampayuttā.

Pañca phassā adukkhamasukhāya vedanāya sampayuttā. Kāyaviññāṇadhātusamphasso siyā sukhāya vedanāya sampayutto, siyā dukkhāya vedanāya sampayutto. Manoviññāṇadhātusamphasso siyā sukhāya vedanāya sampayutto, siyā dukkhāya vedanāyasampayutto, siyā adukkhamasukhāya vedanāya sampayutto.

Satta vedanā na vattabbā sukhāya vedanāya sampayuttātipi dukkhāya vedanāya sampayuttātīpi adukkhamasukhāya vedanāya sampayuttātīpi.

Pañca saññā -pe- pañca cetanā pañca cittā adukkhamasukhāya vedanāya sampayuttā. Kāyaviññāṇadhātu siyā sukhāya vedanāya sampayuttā, siyā dukkhāya vedanāya sampayuttā. Manoviññāṇadhātu siyā sukhāya vedanāya sampayuttā, siyā dukkhāya vedanāyasampayuttā. Siyā adukkhamasukhāya vedanāya sampayuttā.

1111. Pañcannaṃ khandhānaṃ katī vipākā: kati vipākadhammadhammā: kati nevavipākanavipākadhammadhammā: -pe- sattannaṃ cittānaṃ kati vipākā: katī vipākadhammadhammā: katī neva vipākanavipākadhammadhammā:

1112. Rūpakkhandho nevavipākanavipākadhammadhammo. Cattāro khandhā siyā vipākā, siyā vipākadhammā, siyā nevavipākanavipāka dhammadhammā. [PTS Page 433] [\q 433/]

Dasāyatanā nevavipākanavipākadhammadhammā. Dvāyatanā siyā vipākā. Siyā vipākadhammadhammā, siyā nevavipākanavipākadhammadhammā.

Dasadhātuyo nevavipākanavipākadhammadhammā. Pañcadhātuyo vipakā. Manodhātu siyā vipākā, siyā nevavipākanavipākadhammadhammā. Dve dhātuyo siyā vipākā, siyā vipākadhammadhammā, siyā nevavipāka na vipākadhammadhammā.

Dve saccā vipākadhammadhammā. Nirodhasaccaṃ nevavipākanavipākadhammadhammaṃ. Dukkhascaṃ siyā vipākaṃ, siyā vipākadhammadhammaṃ, siyā nevavipākanavipākadhammadhammaṃ.

Sattindriyā nevavipākanavipākadhammadhammā. Tīnindriyā vipākā. Duvindriyā vipākadhammadhammā. Aññindriyaṃ siyā vipākaṃ, siyā vipāka dhammadhammaṃ. Navindriyā siyā vipākā, siyā vipākadhammadhammā, siyā neva vipākanavipākadhammadhammā.

Cha hetu vipākadhammadhammā. Tayo avyākatahetu siyā vipākā, siyā nevavipākanavipākadhammadhammā.

Kabaḷiṅkāro āhāro nevavipākanavipākadhammadhammo. Tayo āhārā siyā vipākā, siyā vipākadhammadhammā, siyā nevavipākanavipākadhammadhammā.

Pañca phassā vipākā. Manodhātusamphasso siyā vipāko, siyā nevavipākanavipākadhammadhammo. Manoviññāṇadhātusamphasso siyā vipāko, siyā vipākadhammadhammo, siyā nevavipākanavipākadhammadhammo.

Pañca vedanā, pañca saññā, pañca cetanā, pañca cittā vipākā. Manodhātu sāyi vipākā, siyā nevavipākanavipākadhammadhammā. Manoviññāṇadhātu siyā vipākā, siyā vipākadhammadhammā, siyā neva vipākanavipākadhammadhammā.

[BJT Page 324] [\x 324/]

1113. Pañcannaṃ khandhānaṃ kati upādinnupādāniyā: kati anupādinnupādāniyā: kati anupādinnaanupādāniyā -pesattannaṃ cittānaṃ kati upādinnupādāniyā: kati anupādinnūpādāniyā: kati anupādinnaanupādāniyā:

1114. Rūpakkhandho siyā upādinnupādāniyo, siyā anupādinnupādāniyo. Cattāro khandhā siyā upādinnupādāniyā, siyā anupādinnupādāniyā, siyā anupādinnaanupādāniyā. [PTS Page 434] [\q 434/]

Pañcāyatanā upādinnūpādāniyā, saddāyatanaṃ anupādinnupādāniyaṃ. Cattāro āyatanā siyā upādinnupādāniyā, siyā anupādinnupādāniyā. Dvāyatanā siyā upādinnupādāniyā, siyā anupādinnupādāniyā, siyā anupādinnaanupādāniyā.

Dasadhātuyo upādinnupādāniyā, saddadhātu anupādinnupādāniyā pañca dhātuyo siyā upādinnupādāniyā, siyā anupādinnupādāniyā. Dve dhātuyo siyā upādinnupādāniyā, siyā anupādinnupādāniyā siyā anupādinnaanupādāniyā.

Samudayasaccaṃ anupādinnupādāniyaṃ. Dve saccā anupādinnaanupādāniyā. Dukkhasaccaṃ siyā udinnupādāniyaṃ, siyā anupādinnupādāniyaṃ.

Navinduyā upādinnupādāniyā. Domanassindriyaṃ anupādinnupādāniya. Tīṇindriyā anupādinnaanupādāniyā. Navīndriyā siyā upādinnupādāniyā, siyā anupādinnupādāniyā, siyā anupādinnaanupādāniyā.

Tayo akusalahetu anupādinnupādāniyā. Tayo kusalahotu siyā anupādinnupādāniyā, siyā anupādinnaanupādāniyā. Tayo avyākatahetu siyā upādinnupādāniyā, siyā anupādinnupādāniyā, siyā anupādinnaanupādāniyā.

Kabaḷiṅkāro āhāro siyā upādinnupādāniyo, siyā anupādinnupādāniyo. Tayo āhārā siyā upādinnupādāniyā, siyā anupādinnupādāniyā, siyā anupādinnaanupādāniyā.

Pañca phassā upādinnupādāniyā. Manodhātusamphasso siyā upādinnupādāniyo, siyāanupādinnūpādāniyo. Manoviññāṇadhātu samphasso siyā upādinnupādāniyo, siyā anupādinnupādāniyo, siyā anupādinnaanupādāniyo.

Pañca vedanā, pañca sañññā, pañca cetanā, pañca cittā upādinnupādāniyā. Manodhātu siyā upādinnupādāniyā, siyā anupādinnupādāniyā. Manoviññāṇadhātu siyā upādinnupādāniyā, siyā anupādinnupādāniyā, siyā anupādinnaanupādāniyā. .

1115. Pañcannaṃ khandhānaṃ kati savitakkasavacārā: kati avitakkavicāramattā: kati avitakkaavicārā: -pe- sattannaṃ cittānaṃ kati savitakkasavicārā: kati avitakkavicāramattā: kati avitakkaavicārā:

[BJT Page 326] [\x 326/]

1116. Rūpakkhandho avitakkaavicāro. Tayo khandhā siyā savitakkasavicārā, siyā avitakkavicāramattā, siyā avitakkaavicārā. Saṅkhārakkhandho siyā savitakkasavicāro, siyā avitakkavicāramatto, siyā avitakkaavicāro, siyā na vattabbo [PTS Page 435] [\q 435/] savitakkasavicārotipi avitakkavicāramattotipi. Avitakkaavicārotipi.

Dasāyatanā avitakka avicārā. Manāyatanaṃ siyā savitakkasavicāraṃ. Siyā avitakkavicāramattaṃ, siyā avitakkaavicāraṃ. Dhammāyatanaṃ siyā savitakkasavicāraṃ, siyā avitakkavicāramattaṃ, siyā avitakkaavicāraṃ, siyā na vattabbaṃ savitakkasavicārantipi avitakkavicāramattantipi avitakkaavicārantipi.

Paṇṇarasadhātuyo avitakkaavicārā. Manodhātu savitakkasavicārā. Manoviññāṇadhātu siyā savitakkasavicārā, siyā avitakkavicāramattā, siyā avitakkaavicārā. Dhammadhātu sāyā savitakkasavicārā, siyā avitakkavicāramattā, siyā avitakkaavicārā, siyā na vattabbā savitakkasavicārātipi avitakkavicāramattātipi avitakkaavicārātipi.

Samudayasaccaṃ savitakkasavicāraṃ. Nirodhasaccaṃ avitakkaavicāraṃ. Maggasaccaṃ siyā savitakkasavicāraṃ, siyā avitakkavicāramattaṃ, siyā avitakkaavicāraṃ. Dukkhasaccaṃ siyā savitakkasavicāraja, siyā avitakkavicāramattaṃ, siyā avitakkaavicāraṃ, siyā na vattabbaṃ savitakkasavicārantipi avitakkavicāramattantipi avitakkaavicārantipi.

Navindriyā avitakkaavicārā. Domanassindriyaṃ savitakkasavicāraṃ. Upekkhindriyaṃ siyā savitakkasavicāraṃ, siyā avitakkaavicāraṃ. Ekādasindriyaṃ siyā savitakkasavicārā, siyā avitakkavicāramattā, siyā avitakkaavicārā.

Tayo akusalahetu savitakkasavicārā. Cha hetu siyā savitakkasavicārā, siyā avitakkavicāramattā, siyā avitakkaavicārā.

Kabaḷiṅkāro āhāro avitakkaavicāro. Tayo āhārā siyā savitakkasavicārā, siyā avitakkavicāramattā, siyā avitakkaavicārā.

Pañca phassā avitakkaavicārā manodhātusamphasso savitakka savicāro. Manoviññāṇadhātusamphasso siyā savitakkasavicāro, siyā avitakkavicāramatto, siyā avitakkaavicāro.

Pañca vedanā, pañca saññā, pañca cetanā, pañca cittā avitakkaavicārā. Manodhātu savitakkasavicārā. Manoviññāṇadhātu siyā savitakkasavicārā, siyā avitakkavicāramattā, siyā avitakkaavicārā

1117. Pañcannaṃ khandhānaṃ kati rūpā: kati arūpā -pesattannaṃ cittānaṃ kati rūpā: kati arūpā:

1118. Rūpakkhandho rūpaṃ. Cattāro khandhā arūpā. [PTS Page 436] [\q 436/]

Dasāyatanā rūpā. Manāyatanaṃ arūpaṃ. Dhammāyatanaṃ siyā rūpaṃ, siyā arūpaṃ.

Dasa dhātuyo rūpā. Satta dhātuyo arūpā. Dhammadhātu siyā rūpā, siyā arūpā.

Tīṇi saccāni arūpā. Dukkhasaccaṃ siyā rūpaṃ, siyā arūpaṃ.

[BJT Page 328. [\x 328/] ]

Sattindriyā rūpā. Cuddasindriyā arūpā. Jīvitindriyaṃ siyā rūpaṃ, siyā arūpaṃ.

Nava hetu arūpā.

Kabaḷiṅkāro āhāro rūpaṃ. Tayo āhārā arūpā.

Satta phassā arūpā.

Satta vedanā, satta saññā, satta cetanā, satta cittā arūpā.

1119. Pañcannaṃ khandhānaṃ kati lokiyā, kati lokuttarā: dvādasannaṃ āyatanānaṃkati lokiyā, kati lokuttarā: aṭṭhārasannaṃ dhātunaṃ kati lokiyā, kati lokuttarā: catunnaṃ saccānaṃ kati lokiyā, kati lokuttarā: -pe- sattannaṃ cittānaṃ kati lokiyā, kati lokuttarā:

1120. Rūpakkhandho lokiyo. Cattāro khandhā siyā lokiyā, siyā lokuttarā.

Dasāyatanā lokiyā. Dve āyatanā sayā lokiyā, siyā lokuttarā.

Soḷasa dhātuyo lokiyā. Dve dhātuyo sayā lokiyā, siyā lokuttarā.

Dve saccā lokiyā. Dve saccā lokuttarā.

Dasindriyā lokiyā. Tīṇindriyā lokuttarā. Navīndriyā siyā lokiyā, siyā lokuttarā.

Tayo akusalahetu lokiyā. Cha hetu siyā lokiyā, siyā lokuttarā.

Kabaḷiṅkāro āhāro lokiyo. Tayo āhārā siyā loniyā, siyā lokuttarā.

Cha phassā lokiyā. Manoviññāṇadhātusamphasso siyā lokiyo, siyā lokuttaro.

Cha vedanā lokiyā. Manoviññāṇadhātusamphassajā vedanā siyā lokiyā, siyā lokuttarā.

Cha saññā lokiyā. Manoviññāṇadhātusamphassajā saññā siyā lokiyā, siyā lokuttarā.

Cha cetanā lokiyā. Manoviññāṇadhātusamphassajā cetanā siyā lokiyā, siyā lokuttarā.

Cha cattā lokiyā. Manoviññāṇadhātu siyā lokiyā, siyā lokuttarāti.

Dhammahadayavibhaṅgo niṭṭhito.

Vibhaṅgappakaraṇaṃ samattaṃ.